ოზურგეთის მუნიციპალიტეტის საკრებულოში, საკრებულოს წევრების მიერ გაწეული საქმიანობის შესახებ წლის შემაჯამებელი ანგარიშების წარდგენა დასკვნით ეტაპზეა.

დღეს, გასული წელი  საკრებულოს წევრებმა - დავით კიკვაძემ, ნათია გოლიაძემ, ლევან კილაძემ და ცოტნე ცინცაძემ შეაჯამეს. 

შეხვედრებს საკრებულოს თავმჯდომარე დავით დარჩია უძღვებოდა.

საკრებულოს წევრებმა საანგარიშო პერიოდში მათ მიერ განხორციელებულ საქმიანობაზე და მოქალაქეების პრიორიტეტებზე დაყრდნობით მიღებულ გადაწყვეტილებებზე გაამახვილეს ყურადღება.

აგრეთვე, ისაუბრეს მუნიციპალიტეტში მიმდინარე და დასრულებულ ინფრასტრუქტურულ პროექტებსა და სოციალურ მიმართულებებზე.