ოზურგეთის მუნიციპალიტეტის საკრებულოს თავმჯდომარე დავით დარჩია, მერის მოვალეობის შემსრულებელი გია ანთაძე, გურიის მხარისა და ადგილობრივი ხელისუფლების წარმომადგენლებთან ერთად, სოფელ ლიხაურში, ექვთიმე თაყაიშვილის წმინდანად შერაცხვის დღისადმი მიძღვნილ ღონისძიება - „ექვთიმეობას“ დაესწრნენ.

ღონისძიების ფარგლებში, ადგილობრივი ხელისუფლების წარმომადგენლებმა წმინდა ექვთიმე ღვთისკაცის ( თაყაიშვილი) მემორიალი ყვავილებით შეამკეს. გაიმართა ოზურგეთის

კულტურისა და მოსწავლე-ახალგაზრდობის ცენტრთან არსებული ანსამბლების - „რეხეულის“ და „შემოქმედის“ კონცერტი.

აღევლინა წმინდანის სავედრებელი პარაკლისი.