ოზურგეთის მუნიციპალიტეტის საკრებულოს თავმჯდომარე დავით დარჩია და მერის მოვალეობის შემსრულებელი გია ანთაძე, ადგილობრივი ხელისუფლების წარმომადგენლებთან ერთად, დაბა ლაითურისა და დაბა ნარუჯის მოსახლეობას შეხვდნენ.

შეხვედრებისას, რომლის ფარგლებშიც ხელისუფლების წარმომადგენლები სკოლამდელი აღზრდის დაწესებულებებსა და საჯარო სკოლებშიც იმყოფებოდნენ, ყურადღება გამახვილდა დასახლებებში არსებულ საჭიროებებსა და მოსახლეობისთვის მნიშვნელოვან საკითხებზე.

ადგილობრივების მიერ გაჟღერებული გამოწვევები და ინიციატივები შემდგომი შესწავლისა და რეაგირების მიზნით მუნიციპალიტეტის შესაბამის სამსახურებს გადაეცემა.